डोल्पा । नेपाल निर्माण व्यवसायी महासंघको २६ औँ साधारण सभा तथा १३ औँ केन्द्रीय अधिवेशनबाट डोल्पाका निर्माण व्यवसायी हिम बहादुर बुढा केन्द्रीय उपाध्यक्षमा निर्विरोध निर्वाचित भएका छन्।
कर्णाली प्रदेशको प्रतिनिधित्व गर्दै बुढा केन्द्रीय उपाध्यक्ष पदमा निर्विरोध निर्वाचित भएका हुन्। उनी डोल्पा जिल्लाका स्थानीय बासिन्दा तथा सक्रिय निर्माण व्यवसायीका रूपमा चिनिन्छन् ।
जिल्ला अस्पताल डोल्पाको अत्याधुनिक भवन निर्धारित समयभन्दा अगावै निर्माण सम्पन्न गराएपछि बुढालाई यसअघि सम्मानसमेत गरिएको थियो।
डोल्पाका सांसद धनबहादुर बुढाले नवनिर्वाचित उपाध्यक्ष बुढालाई बधाई तथा शुभकामना व्यक्त गरेका छन्। निर्माण व्यवसायी बूढा सांसद बुढाको सहोदर हुन् ।
उनले निर्माण व्यवसायी महासंघ जस्तो संगठनको उपाध्यक्षमा निर्वाचित भए सँगै निर्माण क्षेत्रको विकासमा सकारात्मक योगदान पुग्ने विश्वास व्यक्त गरेका छन्।
सांसद बूढा सँगै नेपाली कांग्रेसका केन्द्रीय सहमहामन्त्री कर्ण बहादूर बूढाले समेत बधाई तथा शुभकामना व्यक्त गरेका छ।
प्रतिक्रिया
सम्बन्धित खवर
चैत्र १९, २०८२ बिहिबार 20 Views
चैत्र १९, २०८२ बिहिबार 18 Views
चैत्र १८, २०८२ बुधबार 334 Views
चैत्र १८, २०८२ बुधबार 50 Views
